మణిపూర్ లో బాంబు పేలుడు... ముగ్గురు మృతి
మణిపూర్ రాజధాని ఇంఫాల్ లో బాంబు పేలుడు జరిగింది. నేటి ఉదయం చోటుచేసుకున్న ఈ పేలుడు ఘటనలో ముగ్గురు వ్యక్తులు మృత్యువాతపడ్డారు. మరో నలుగురికి తీవ్ర గాయాలయ్యాయి. క్షతగాత్రులను పోలీసులు ఆస్పత్రికి తరలించి చికిత్స అందిస్తున్నారు. బాంబు పేలుడు నేపథ్యంలో పోలీసులు అప్రమత్తమయ్యారు. నగరంలోని పలు ప్రాంతాల్లో సోదాలు నిర్వహిస్తున్నారు. పేలుడు ఘటనకు కారకులెవరన్న విషయం తెలియరాలేదు.
